Një i mitur vdes, një lëndohet nga rrëshqitja e dheut

0

Sipas mjekut kujdestar në spitalin rajonal të Pejës, viktima është i moshës 16 vjeçare kurse personi tjetër i lënduar një 17 vjeçar nga rrethina e Istogut

Një person ka humbur jetën dhe një tjetër është lënduar si pasojë e shembjes së dheut në fshatin Kllodernicë të Skënderajt.

Rastin e ka konfirmuar për Kallxo.com, mjeku kujdestar në spitalin rajonal të Pejës, Gëzim Devolli.

Sipas tij, viktima është i moshës 16 vjeçare nga fshati Runik, kurse personi tjetër i lënduar nga rrethina e Istogut, i moshës 17 vjeçare.

Mjeku Gëzim Devolli tha se viktima ka humbur jetën si pasojë e shembjes së dheut, dhe është sjellë pa shenja jete ne spital, kurse i lënduari është i shtrirë në repartin e Ortopedisë dhe, sipas tij, është jashtë rrezikut për jetë.

Zëdhënësi i Policisë së Kosovës për rajonin e Mitrovicës, Avni Zahiti, konfirmoi se ngjarja tragjike ka ndodhur në fshatin Kllodernicë të Skënderajt.

“Viktima në kohën e incidentit ka qenë me familjarët e tij, ka qenë duke e mbushur rimorkion e traktorit me zallë”, tha Zahiti.

Share.

About Author