Gruaja e emëruar nga Trump si shefe e CIA-s thuhet se udhëhoqi një burg ku torturoheshin të dyshuarit për terrorizëm

0
Loading...

Gruaja e emëruar nga Trump si shefe e CIA-s thuhet se udhëhoqi një burg ku torturoheshin të dyshuarit për terrorizëm.
Presidenti amerikan, Donald Trump ka njoftuar se ka shkarkuar Sekretarin e Shtetit Rex W. Tillerson dhe e ka zëvendësuar atë me Mike Pompeon, deri më tani drejtor i CIA-s.

Sipas mediave të huaja, përcjell Telegrafi, presidenti Trump gjithashtu ka emëruar Gina Haspel, si zgjedhjen e tij për t’u bërë drejtor i CIA-s.

Por çfarë vënë në pah mediat e huaja, është fakti se emërimi i Haspel do të jetë shumë i diskutueshëm.

Kjo pasi që siç thuhet më tej, ajo luajti një rol kryesor në “drejtimin e burgut të torturave kundër të dyshuarve për terrorizëm” dhe më pas shkatërroi dëshmitë.

Siç thuhet më tej, në vitin 2002, ajo mbikëqyri një burg të fshehtë në Tajlandë që torturoi dy të dyshuar për terrorizëm.

Kjo torturë u zhvillua në kuadër të një programi të CIA-s, në të cilin terroristët e dyshuar dërgoheshin tek aleatët amerikanë dhe merreshin në pyetje.

Po sipas mediave të huaja, një nga burrat, i njohur si Abu Zubayda, u ngufatë disa herë “me peshqir dhe ujë” në një muaj dhe u përplas me kokë në mur. Ai gjithashtu u privua nga gjumi dhe u mbajt në një “kuti” të ngjashme me arkivolin.

siç thuhet më tej, pamjet e CIA-s për torturën u shkatërruan në vitin 2005, me anë të një “udhëzimi” të hartuar nga Haspeli.

Dhe më pas, shefi i saj i atëhershëm, Jose Rodriguez, drejtori i operacioneve të CIA-s për luftën kundër terrorizmit, e nënshkroi urdhrin. /Telegrafi/

Share.

About Author