Si në “bahqe të babës” Hashim Thaçi dhe Kadri Veseli i fton liderët për foto me Mogherinin (VIDEO)

0

Në prag të takimit me Federica Mogherinin, delegacioni kosovar që udhëtoi në Bruksel të martën realizoi një fotografi me përfaqësuesen e lartë të Bashkimit Evropian.

Para se të zinin vendet për fotografinë e përbashkët, disa nga anëtarët e delegacionit kosovar ngurruan të dilnin në pjesën ku po qëndronte Mogherini. E në këtë situatë filloi një komunikim i pazakontë mes tyre; një komunikim jozyrtar me nofka.

Kryeparlamentari Kadri Veseli e ftonte Behgjet Pacollin që t’i bashkohej atij dhe Mogherinit në podium, teksa i drejtohej atij si “bac”.

“Hajde bac! Hajde bac hajde”, i thoshte Kadri Veseli, ministrit të Jashtëm Behgjet Pacollit në prani të Mogherinit, raporton Insajderi.

Ndërkaq, presidenti Thaçi i drejtohej delegacionit kosovar ku bën pjesë edhe ai vet, si: “Kosovo Family” dhe i ftonte ata për të realizuar një fotografi duke thënë: “Hajde Family”.

I gjithë ky bashkëbisedim mes pjesëtarëve të delegacionit kosovar dhe Federica Mogherinit është inçizuar nga kamera e Zërit të Amerikës, pak para se të fillonte takimi mes dy palëve.

Kosova – Bruksel

Presidenti i Kosovës, Hashim Thaçi po shoqërohet në Bruksel nga kryeministri Ramush Haradinaj, kryetari i parlamentit, Kadri Veseli dhe udhëheqës të partive në pushtet të cilët janë takuar me zonjën Mogherini në një lëvizje që synon të konfirmojë mbështetjen bisedimeve.

Posted by VOA – Zëri i Amerikës on Wednesday, July 18, 2018

Share.

About Author