Florent Ahmetaj i cili u vra mbrëmë ishte i martuar dhe punonte në kazinon e dajës

0

 

Tronditëse ishin lajmet për vdekjen  e dy të rinjve brenda pak ditësh përderisa të njëjtit punonin në dy kazino të ndryshme.

Jetmir Aliaj humbi jetën të dielën në një lokal kazinoje në Suharekë, e Florent Ahmetaj është viktima që vdiq mbrëmë në kazinon ku punonte në Lipjan.

Ahmetaj i cili me origjinë ishte nga fshati Rezallë e komunës së Skenderajt vdiq duke tentuar t’i ndalonte grabitësit që hynë për të kryer këtë akt në këtë kazino.

Sipas burimeve të Indeksonline, 36 vjeçari ishte duke punuar në lokalin e dajës së tij dhe assesi nuk dëshiroi që ta linte veprën të kryhej, kësisoj i dyshuari shtiu me armë në drejtim të tij duke  e lënë të vdekur. Në lokalin në fjalë gjendeshin edhe kamerat filmimet të cilat tashmë janë marrë nga organet e drejtësisë.

Sipas të njëjtave burime bëhet e ditur se i njëjti ishte i martuar dhe kishte vetëm një vëlla i cili jeton në Angli. Miqtë e tij e kanë lavdëruar si djalë të mbarë, e që i njëjti punonte për një jetesë më të mirë.

Ndryshe nga Policia dhe Prokuroria janë deklaruar lidhur me rastin duke thënë se janë duke u munduar të identifikojnë të dyshuarin, por që i njëjti tashmë është në arrati./Indeksonline/

Share.

About Author