Parku i qytetit të Drenasit, do të ketë këndin e lodrave për fëmijë

0

Kryetari i Komunës së Drenasit, Ramiz Lladrovci, të mërkurën ka pritur në takim drejtorin ekzekutiv të OJQ “Peer Educators Network-PEN”, Bujar Fezjullahu ku edhe ka nënshkruar Memorandum bashkëpunimi për rregullimin e këndit të lodrave për fëmijë në parkun e qytetit.

Në këtë takim ishin prezent edhe nënkryetari i Komunës, Nazmi Hasi, drejtoresha e Planifikimit Urban dhe Mbrojte të Mjedisit, Flutura Avdiu dhe kryetarja e Këshillit të Veprimit Rinor Lokal në Drenas, Donika Zogu.

 

 

Qëllimi i nënshkrimit të këtij memorandumi, është që të sigurohet një kënd i lodrave për fëmijët e qytetit të Drenasit, i cili deri tani nuk ka qenë në funksion. Realizimi i këtij projekti do të bëhet nga Komuna e Drenasit në bashkëfinancim me OJQ “PEN” dhe Këshillin e Veprimit Rinor Lokal në Drenas (KVRL).

Në kuadër të këtij memorandumi të bashkëpunimit, do të bëhet pastrimi i terrenit, vendosja e zhavorit, rifunksionalizimi i pajisjeve ekzistuese të lodrave, rregullimi i pushimoreve (ulëseve), rregullimi i infrastrukturës për hedhjen e mbeturinave, shtimi i hapësirave të gjelbra, mbjellja e fidanëve dhe bimë të tjera dekorative.

Share.

About Author